Meesho ही एक भारतीय सोशल ई-कॉमर्स कंपनी आहे जी विक्रेत्यांना आणि छोटे व्यवसायांना त्यांच्या उत्पादनांची ऑनलाइन विक्री करण्याची संधी देते. WhatsApp, Facebook आणि Instagram यांसारख्या सोशल मीडिया प्लॅटफॉर्मवरून लोकांना त्यांच्या नेटवर्कमध्ये उत्पादन शेअर करून विक्री करता येते. Meesho विक्रेत्यांना उत्पादनांची यादी करणे, पेमेंट प्रोसेसिंग आणि डिलिव्हरीसह संपूर्ण सुविधा पुरवते.
Meesho ची स्थापना आणि उद्दिष्ट
Meesho ची स्थापना डिसेंबर 2015 मध्ये Vidit Aatrey आणि Sanjeev Barnwal यांनी केली. कंपनीचे मुख्यालय बेंगळुरू येथे आहे. Meesho चा मुख्य उद्देश म्हणजे भारतातील प्रत्येक व्यक्तीला किंवा छोटे व्यवसायांना ई-कॉमर्समधून कमाई करण्याची संधी उपलब्ध करून देणे.
Meesho चा मुख्य बिझनेस मॉडेल
Meesho चे कामकाज मुख्यतः रीसैलींगवर आधारित आहे. विक्रेते Meesho वरून उत्पादन घेऊन, आपल्या ओळखीच्या लोकांपर्यंत WhatsApp किंवा Facebook द्वारे पोहोचवतात. ऑर्डर मिळाल्यावर Meesho डिलिव्हरी आणि पेमेंट प्रोसेसिंगची जबाबदारी सांभाळते.या मॉडेलमुळे Tier 2 आणि Tier 3 शहरांमधील अनेक महिला आणि छोटे व्यवसाय मालक सहजपणे व्यवसाय सुरू करू शकतात.
Meesho चे महत्वाचे वैशिष्ट्ये
शून्य कमिशन धोरण
Meesho विक्रेत्यांकडून कोणतेही कमिशन घेत नाही, त्यामुळे नवीन व्यवसाय सुरू करायला हा एक चांगला पर्याय आहे.
परवडणारी शिपिंग सेवा
भारतभर परवडणाऱ्या किमतीत शिपिंग सुविधा पुरवली जाते, ज्यामुळे विक्रेते देशभरात ग्राहकांपर्यंत पोहोचू शकतात.
सुरक्षित पेमेंट सुविधा
Meesho विक्रेत्यांना सुरक्षित आणि वेळेवर पेमेंटची सुविधा देते, ज्यामुळे त्यांचा विश्वास वाढतो.
ग्राहक सेवा
विक्रेते आणि ग्राहक दोघांसाठीही Meesho उत्तम सपोर्ट सिस्टम पुरवते.
Meesho चा समाजावर प्रभाव
Meesho ने अनेक महिलांना आणि छोट्या व्यवसायांना डिजिटल मार्केटमध्ये आणले आहे. खेड्यातील महिला किंवा शहरेतील गृहिणी सुद्धा आता स्वतःचा व्यवसाय सुरू करून आर्थिकदृष्ट्या स्वावलंबी होत आहेत. Meesho मुळे भारतातील लाखो लोकांनी पहिल्यांदाच ऑनलाइन विक्री सुरू केली, ज्यामुळे त्यांचे उत्पन्न वाढण्यास मोठी मदत झाली आहे.
Meesho IPO: पुढील मोठे पाऊल
Meesho ने भारतात आपली मुख्य नोंदणी (डोमिसाइल) स्थानांतरित केले असून, भारतीय शेअर बाजारात IPO आणण्याची तयारी सुरू केली आहे. Meesho IPO ला शेअरधारकांची अधिकृत मंजुरी मिळाली असून, कंपनी 4250 कोटी रुपये म्हणजेच सुमारे 500 मिलियन डॉलर उभारणार आहे. Meesho IPO मुळे कंपनीला भांडवली उभारणीसाठी मदत होईल तसेच सामान्य गुंतवणूकदारांना या वेगाने वाढणाऱ्या सोशल ई-कॉमर्स व्यवसायाचा भाग बनण्याची संधी मिळेल.
Meesho चा CEO कोण आहे?
Meesho चे CEO आणि सह-संस्थापक Vidit Aatrey आहेत. नुकत्याच झालेल्या बदलांनंतर त्यांना कंपनीचा चेअरमन आणि मॅनेजिंग डायरेक्टर सुद्धा नियुक्त करण्यात आले आहे.
हेही वाचा: Meesho IPO: 4250 कोटींच्या इश्यूला मंजुरी, जाणून घ्या सविस्तर
FAQs
1. Meesho वर कोण विक्री करू शकतो?
कोणताही व्यक्ती किंवा छोटा व्यवसाय Meesho वर विक्रेता म्हणून नोंदणी करून उत्पादनांची विक्री सुरू करू शकतो.
2. Meesho वर विक्री सुरू करण्यासाठी किती खर्च येतो?
Meesho कोणतेही कमिशन घेत नाही आणि सुरूवातीला कोणतेही मोठे इन्व्हेस्टमेंट लागत नाही.
3. Meesho काय फक्त महिलांसाठी आहे का?
नाही, Meesho कोणासाठीही खुले आहे, मात्र महिलांनी याचा सर्वाधिक फायदा घेतला आहे.
4. Meesho कडून पेमेंट कसे मिळते?
डिलिव्हरी पूर्ण झाल्यानंतर Meesho विक्रेत्यांना थेट बँक खात्यात पैसे पाठवते.
5. Meesho चे मुख्य ग्राहक कोण आहेत?
मुख्यतः गृहिणी, छोटे व्यवसाय, आणि ग्रामीण भागातील उद्योजक हे Meesho चे प्रमुख ग्राहक आहेत.
