Kalpataru IPO Review: 24 जूनपासून सुरू, गुंतवणूक करावी का?

Kalpataru IPO Review in Marathi: Kalpataru IPO 24 जून 2025 पासून सबस्क्रिप्शनसाठी खुला असून 26 जून 2025 रोजी बंद होईल. ₹1,590 कोटींचा हा पूर्णपणे फ्रेश इश्यू आहे ज्यात 3.84 कोटी शेअर्स ऑफर केले जातील. किंमत ₹387-₹414 प्रतिशेअर निश्चित करण्यात आली असून, मिनिमम लॉट साईज 36 शेअर्स आहे. Kalpataru IPO चे शेअर्स 1 जुलैला BSE आणि NSE वर लिस्ट होतील.

Kalpataru IPO: संपूर्ण तपशील

Kalpataru Limited ही एक आघाडीची रिअल इस्टेट कंपनी असून ती लक्झरी, प्रीमियम आणि मिड-सेगमेंट प्रोजेक्ट्समध्ये काम करते. कंपनीने 120 प्रोजेक्ट्स यशस्वीरीत्या पूर्ण केले असून 25.87 मिलियन स्क्वेअर फूट क्षेत्र विकसित केले आहे.

Kalpataru IPO ₹1,590 कोटींचा आहे आणि तो संपूर्ण फ्रेश इश्यू आहे. यात कोणताही प्रमोटर शेअर्स विकत नाही. कंपनी ही Kalpataru Group चा भाग आहे, ज्याचा 55 वर्षांचा वारसा आहे.

Kalpataru IPO: किंमत, लॉट साईज आणि तारीखा

Kalpataru IPO चा किंमतपट्टा ₹387 ते ₹414 आहे. किमान 36 शेअर्ससाठी अर्ज करावा लागेल, ज्यासाठी ₹14,904 लागतील. शेअर वाटप 27 जूनला निश्चित होईल. डिमॅट खात्यात शेअर्स 30 जूनपर्यंत जमा होतील आणि लिस्टिंग 1 जुलै रोजी होणार आहे.

हेही वाचा: NSE IPO लवकरच? SEBI चे अध्यक्ष म्हणाले अडथळा काहीच नाही

Kalpataru IPO चा उद्देश काय आहे?

Kalpataru Limited या IPO मधून उभा राहणारा निधी तीन गोष्टींसाठी वापरणार आहे. त्यातील सुमारे ₹1,192.5 कोटी म्हणजेच 75% कर्ज फेडीसाठी वापरले जातील. उर्वरित निधी कंपनीच्या कॉर्पोरेट गरजांसाठी वापरला जाईल.

आर्थिक चित्र

FY22 मध्ये कंपनीचा महसूल ₹1,000 कोटी होता, तो FY23 मध्ये ₹3,633 कोटीवर गेला. FY24 मध्ये तो ₹1,929 कोटी झाला. FY25 च्या पहिल्या 9 महिन्यांमध्ये कंपनीने ₹2,621 कोटींची विक्री केली आणि केवळ ₹5.5 कोटी नफा नोंदवला. EBITDA मात्र सकारात्मक दिशेने वळताना दिसतो आहे.

Kalpataru IPO: मजबूत बाजू

Kalpataru Limited ही MMR क्षेत्रात पाचव्या क्रमांकाची सर्वात मोठी कंपनी आहे. तिच्या प्रोजेक्ट्समध्ये 94.74% युनिट्स ओसी मिळण्याआधीच विकली जातात. Kalpataru ब्रँडच्या ताकदीमुळे 2% ते 29% अधिक किंमती गाठता येतात.

Kalpataru IPO: धोके आणि मर्यादा

Kalpataru Limited चे 94.84% प्रोजेक्ट्स MMR आणि पुणे या दोनच शहरांमध्ये केंद्रित आहेत. त्यामुळे स्थानिक धोरण, नैसर्गिक आपत्ती यांचा धोका अधिक आहे. शिवाय, काही प्रोजेक्ट्स 5-9 वर्षांपासून सुरु आहेत, जे डिलिव्हरी डिले आणि ग्राहकांच्या तक्रारींचं कारण ठरू शकतात.

गुंतवणुकीसाठी योग्य का?

Kalpataru IPO मध्ये मजबूत ब्रँड, बाजारातील उपस्थिती आणि सकारात्मक ट्रॅक रेकॉर्ड आहे. परंतु, अलिकडचा नफा आणि भौगोलिक मर्यादा ही धोकेदायक बाब ठरू शकते. दीर्घकालीन गुंतवणूकदारांनी विचारपूर्वक निर्णय घ्यावा.

हेही वाचा: Tata Capital IPO: येतोय Rs 17,200 कोटींचा आयपीओ, गुंतवणूकदारांना मोठी संधी?

FAQs